Arnrún María Magnúsdóttir
Ég er eiginkona, móðir, amma og leikskólakennari
Margir þekkja mig sem Öddu, ég hef verið kölluð það frá því ég man eftir mér. Sumarið 2022 eftir mikil veikindi ákvað ég að bæta við mig nafni móðir minnar sem kvaddi þennan heim alltof snemma, María, ég er því afar stolt af að kalla mig
Arnrúnu Maríu.
Ég hef ofurtrú á börnum, vil þeim allt það besta.
Það versta sem ég get hugsað mér er að barn sé í hættu eða búi við flóknar aðstæður.
Í dag brennur hjartað mitt fyrir það að efla og fræða börn um mörk og markaleysi.
Þess vegna opna ég Samtalið fræðsla ekki hræðsla.
Fjölskyldan mín
Ég er gift, Friðrik V Hraunfjörð, við eigum þau Karen Ösp og Axel F, tengdabörnin Óskar og Agla Rún hafa verið lengi samferða okkur. Hann Markús Hreinn Óskarsson kom í fjölskylduna okkar 2013. Ég er afskaplega þakklát fyrir fólkið mitt, þau hafa stutt mig og styrkt í þeim ákvörðunum sem ég tek í lífinu.
Við höfum sigrað ýmiskonar áföll í lífinu. Fyrir vikið finnst mér mikilvægt að deila þeirri reynslu, styðja og leiðbeina öðrum í svipaðri stöðu í úrræði sem henta. Það er svo mikilvægt að segja frá vanlíðan sama hversu “lítið” og “ómerkilegt” þú telur það vera. Mikilvægt er að á viðeigandi aðstoð.
Sá sem á einstakan stað í hjartanu er ömmustrákurinn. Hann veit að amma er aldrei langt undan, bjáti eitthvað á.
Ferilskrá
Starfað í leikskólum með hléum frá 1992
Útskrifast sem leikskólakennari 2000
Aðstoðarleikskólastjóri, deildarstjóri, verkefnastjóri
Forstöðukona foreldraröltsins
Háskólinn á Akureyri Aðjunkt f.leikskólakennara
Háskólinn á Akureyri stundakennari f. hjúkrunarfræði
Umsjónarkennari fyrir FAST hetjur 112 á Íslandi
Forvarnanámskeið fyrir starfsfólk skóla
Ráðstefnur og málþing
Höfundur Lausnahringsins og Hvar er Valli ofurhetja
Ráðgjöf við gerð þingsályktunartillögu Stjórnarráðs Íslands
Ráðgjöf við vinnu að framtíðarskipan skólaþjónustu Barna - og menntamálaráðuneytis
Sat í Skólamálanefnd FL
Sat í SIðaráði KÍ
Skrifað fjölda greina og pistla
Átti og rak veitingastaðinn FRIÐRIK V, í mörg ár ásamt Friðrik V eiginmanninum
Áhrif
Samtalið fræðsla ekki hræðsla hefur ratað í stefnumótun bæði stjórnvalda og sveitarfélaga.
Auk þess sem þessi forvarnafræðsla um ofbeldi og mikilvægi þess að þjálfa börn snemma að setja og virða mörk hefur farið víða um land bæði til kennara og foreldra.
Viðurkenningar
Samtalið fræðsla ekki hræðsla og Lausnahringurinn hefur í fjögur ár hlotið viðurkenningar, tilnefningar til foreldraverðlauna Heimilis og skóla:
2020 Lausnahringurinn
2021 Lausnahringurinn
2022 Samtalið fræðsla ekki hræðsla
2023 Arnrún María Magnúsdóttir, dugnaðarforkur Heimilis og skóla
Að auki fékk Arnrún María þá starfandi sem verkefnastjóri í Leikskólinn Brákarborg og leikskólinn hvatningarverðlaun og viðurkenningu frá skóla- og frístundaráði Reykjavíkurborgar, verðlaunin voru veitt fyrir Lausnahring, fyrir framúrskarandi faglegt starf í leikskóla.
Hvar er Valli ofurhetja?
Hugmyndin um Hvar er Valli ofurhetja fæddist í kolli mínum þegar ég varð vitni að því að börn mjög nákomin mér þurftu að flýja heimilið sitt vegna ofbeldis. Eins er ég heyrði um fjölda barna sem dvelja í Kvennaathvarfinu ár hvert.
Mig langar að styrkja þessi börn með Valla ofurhetju sem ég prjóna, auk þess hafa vinkonur hjálpað mér.
Hver Valli hefur sinn “persónuleika” það er engin uppskrift af honum. Alveg eins og börnin sjálf og áföll þeirra.
Draumur minn er að barn sem þarf að flýja heimili sitt sökum ofbeldis, eigi kost á því að eignast Valla ofurhetju. Hann er með skykkju, getur verið lítill í hendi, má fara í þvott, hægt að setja í hann ilm sem veitir öryggi, allt það sem hentar hverju og einu barni.
Greinar og viðtöl
FAST 112
Verðlaunað alheimsfræðsluátak um einkenni slags
FAST 112 er sniðið að börnum á aldrinum 5-9 ára, þá eru ofurhetjur hvað mest spennandi fyrir þeim. Börnunum er kennt hvernig helstu einkenni slags eru í gegnum leik, söng og teiknimyndir. Þeim er kennt að sýna samhygð og ást og læra gagnlega hluti eins og hvernig eigi að hringja í neyðarlínuna. Ekki er verið að færa ábyrgðina yfir á herðar barnanna, heldur er þetta kannski meira í líkingu við fræðslu um brunavarnir, sem margir kannast við og er fastur liður í starfi leikskólabarna. Börnin læra í gegnum leik og fræða svo foreldra sína um það sem þau kunna. Þá hvetur verkefnið til samvinnu barna og fullorðinna og skapar skemmtilegar og góðar stundir
Sjá nánar á síðu Fast Hetja
„Friðarsúlan er heimili Lausnahringsins, sem sendir frið út í heiminn inn í hjörtu allra.
Þannig geta allir lært að stjórna sér“
5 ÁRA BARN Í ÚTSKRIFTARFERÐ Í VIÐEY
Fyrirmyndir og innblástur í mína vinnu er að finna hér
„Ekki gera ekki neitt“
Arnrún María